Европска унія в понедільок высловила Данії повну підпору по тім, як Споєны штаты выменовали ґубернатора штату Луісіана Джеффа Ландрі за шпеціалного посла про Ґренландію. Ґренландія є притім частьов теріторії Данії, пише аґентура AFP. В реакції на тот крок предсидателька Европской комісії Урсула фон дер Леєн і председа Европской рады Антонію Кошта в пості на сіті X підкреслили, же „теріторіална цілость і сувереніта суть основныма прінціпами меджінародного права“. Додали, же тоты прінціпы суть важны нелем про ЕУ, але про вшыткы державы світа. Презідент США Доналд Трамп по невернутю до Білого дому в януарі того року вецераз назначів, же Ґренландія бы мала стати частьов США. Одкликовав ся на безпечностны причіны.

(Медвідь, ТASR)