Европска комісія (EK) вчера прияла позітівне посуджіня словацького плану обновы і одолности. Іде о важну етапу в процесі выплачуваня ґрантів Европской унії  (EÚ) у высшкі 6,3 міліярды евр в рамках механізму на підпору обновы і одолности. Комісія посуджовала главні то, ці інвестиції і реформы в словацькім плані обновы підпорують зелену і діґіталну трансформацію. Інформувала о тім Інґрід Лудвікова з пресодділіня Заступліня ЕК на Словакії. Комісія вчера прияла пропозицію выконаваючого вердікту з цільом дати Словакії 6,3 міліярды евр в рамках механізму на підпору обновы і одолности. Рада EÚ буде мати теперь штирі тыждні на одобріня пропозиції. Як план одобрить, дасть можность тым выплатити 823 міліоніов евр Словакії в рамках предбежного фінанцованя. (TASR, Pkf)