Европска унія остерігала Сербію і Косова, же бы могли підкопати свої шансы на членство, покля бы одкрыли свої амбасады в Єрусалимі. Інформовала о тім аґентура Associated Press. Як повів говорця шефа унійной діпломації Жосепа Борелла – Петер Стано, ани єдна членьска держава не має амбасаду в Єрусалимі і будьякы дімпломатічны крокы, котры бы спохыбньовали сполочну позіцію Унії, суть предметом знепокоїня. Сербія і Косово в пятніцю оголосили нормалізацію односин в рамках розговорів, котры зорґанізовали Споєны штаты. Белеград оголосив і перенесіня свойой амбасады до Єрусалима. Пріштіна обовязала ся признати Ізраіль вымінов за єднакый крок з боку жыдівской державы. Косово бы мало стати першов переважно музульманьсков державов, котра одкрыє амбасаду в Єрусалимі.

(Медвідь, TASR)