x

Чеськый посланець Домінік Фері є обвиненый зо сексуалного насиля

00

Посланець партії TOP 09 в Чехії Домінік Фері резіґнує на мандат посланця і небуде кандідовати в октобровых вольбах до Посланецькой снімовні. Ознамив то вчера на соціалній сіті по тім, што быв обвиненый зо сексуалного насиля. Протів статям ся буде боронити ся на суді, інформував сервер   Novinky.cz. Фері, котрый мав быти штирьков пражской кандідаткы тзв. коаліції Сполу про октобровы парламентны вольбы, протівостоїть обвиніням, же в минулости на домашніх вечурьках нутив жены к сексу, і кедь то одмітали. Діяти ся так мало меджі роками 2015 і 2020. Свідоцтво пару дівчат, котры його поводжіня пописують, принесли вчера вєдно чеськый Deník N a сервер A2larm.cz. Фері обвініня зо сексуалного насиля одмітнув, оправдав ся але за невгодне поводжіня. (TASR, Pkf)