Членство Швеції в Североатлантічній аліанції не є намірене проти никого і никого не огрожує, выголосив у понедільок шведьскый краль Карол XVI. Ґустав на церемонії піднятя прапору НАТО перед будовов парламенту в Штокголмі. Інформує о тім аґентура DPA. „Швеція никого не огрожує і тужыть по мірі,“ повів краль з тым, же членство в НАТО не змінить дотеперішню загранічну ани безпечностну політіку Швеції. Найважнішым цільом буде захованя слободы і незалежности Швеції. Членство в Аліанції подля краля лем звекшыть способность країны боронити ся.

(Медвідь, TASR)