Премєр Чорной Горы Душко Марковіч в понедільок оголосив, же його країна одкрыє 1-го юна граніці. Премєр то повів день по тім, што Чорна Гора стала першов країнов у Европі без припадів інфікації новым коронавірусом. Інформовала о тім хорватьска пресаґентура HINA. Чорна Гора од 1-го юна одкрыє граніці гражданам тых держав, в котрых є менше як 25 інфікованых на 100 тісяч жытелів. Меджі першыма країнами, котрым ся одкрыють граніці, будуть Хорватія, Словенія, Австрія, Німецько, Мадярьско, Албанія ці Ґреція, спомянув премєр. Припомянув, же 68 днів по першім потвердженім припаді Чорна Гора не має жадных інфікованых. Пояснив, же стратеґійов його влады было заставити коронавірус на державных граніцях.

(Медвідь, TASR)