Чісло потвердженых припадів інфікації коронавірусом SARS-CoV-2 у світі пересягнуло в неділю 90 міліонів. Прийшло то в часі, кідь ся дальшы країны приправують на векше шыріня інфікованішых форм вірусу запричінюючіх захворіня COVID-19, котре собі цілосвітово выжадало скоро два міліонів смертельных пригод. Інформувала о тім аґентура AP. Чісло інфікованых у світі ся здвократнило за скоро десять тыжднів, выходить то зо вчерайшых дани америцькой  Універзіты Йогнса Гопкінса. Ныйвысше чісло зазначіли Сполучены штаты, де од зачатку пандемії потвердили выше 22,2 міліонів інфікованых. (TASR, Pkf)