Председа Европской рады Шарлс Мішел не боїть ся піврічной презідії Мадярьска в Раді Европской унії. Подля сервера index.hu то выходить з його інтервю, котре дав у Бруселі европскым медіям. Мішел в повязаню з тым підкреслив, же кедь Мадяры мали похыбности, або в даякій справі были незгодны, все подарило ся дійти з нима ку вырішіню. Председа Европской рады, котрый быв премєром Белґії, кінцьом рока скінчіть на тій посаді по пятьох роках. З нагоды 20-ой річніці выходного розшыріня ЕУ дав Мішел інтервю серверу szabadeuropa.hu, і дакілько далшым европскым медіям. Мадярьско буде предсидательсков країнов в Раді ЕУ в другій половині того року, штафету передасть 1-го януара 2025-го року Польщі.

(Медвідь, TASR)