Европска унія послала єденіз дотеперь найсилнішых сіґналів, же уможнить Великобрітанії одложыти одход із ЕУ. В понедільок вечур о тім інформовала пресаґентура DPA. Патова сітуація вїднанях Лондона і Бруселу о брексіті вела ку пошырюючім ся інформаціям, же выступліня Великобрітанії з Унії наплановане на 29-го марца ся одложыть на пізніше. Председа Европской комісії Жан-Клод Юнкер про віторкове выданя німецького денника Stuttgarter Zeitung повів, же покля брітаньска влада пожадать о одложіня, з найвекшов правдоподобностьов го дістане. „Рішаня пожадати о веце часу є в руках Великобрітанії. Покля таку пожадавку передложать, нихто в Европі не буде мати нич проти того,“ повів Юнкер в інтервю про ґазету.

(TASR, Медвідь)