Іспаньскый краль Філіп VI. зачав у віторок, місяць по парламентных вольбах, вести конзултації о зоставліню новой влады. В палаці Зарзуела в Мадріді почас двох днів прийме председів окремых політічных партій, пише аґентура DPA. Подля уряду іспаньского краля монарха планує вести індівідуалны розговоры із семома політіками. Дакотры реґіоналны партії, включно каталаньскых сепаратістів, на конзултаціях з кральом не хотіли брати участь, хоць можуть мати важну роль при творіню влады, інформовали містны медії. Філіп VI. ся днесь стрітить з дочасным премєром Педром Санчезом із Іспаньской соціалістічной робочой партії і лідером конзерватівной Людовой партії Албертом Нюнєзом Феіхо. Єден з них бы налісно міг дістати повіріня зоставити нову владу.

(Медвідь, TASR)