Італія  мать пацєнта інфікованого новым тіпом коронавірусу, котрый ся шырить в Споєнім кральовстві, увело то вчера італійске міністерство здравотницьтва. Пацєнт і його близька особа ся в посліднім часі вернула зо Споєного кральовства лeтадлом, котре пристало в Рімі. Обідвоє суть моменталні  в ізолації, увело подля аґентуры Reuters міністерство.  Британьскый премєр Боріс Йогнсон у звязку зо снагов достати під контролю шыріня якбач іщі небезпечнішого варіянту коронавірусу в суботу выголосив, же обывателі Лондіна і юговыходной часті Анґлії мусять од неділі мінімалні до 30-го децембра остати дома. Йогнсонова влада уж  днесь ознамила, же новый скорый наріст чісла інфікованых може бути повязаный і з новым варіантом коронавірусу. (TASR, Pkf)