Німецька поліція нашла ґрупу 12 міґрантів, котры ся крыли в накладнім влаку близко граніць з Австрійов. З влаку, котрый ішов з таліяньской Вероны до Мніхова, вылізло сім дорослых і пять малых дітей без супроводу. Поліцайты їх нашли по контролі за помочі термокамер коло Раублінґу в Баворьску. Міґранты повіли, же походжають зо Сомальска, Ніґерії і Побережя Слоновины. Говорця поліції Райнер Шарф увів, же міґранты уж были і перемерзнуты.
(Анна Кузмякова)