Нїмецька владна Крестяньскодемократічна унія (CDU) хоче, жебы загранічны штуденты медіціны платили за своє штудіум, кедь ся по ёго закончіню такой вернуть до своїх домовскых держав намісто того, жебы зостали робити в Нїмецьку. У четверь о тім інформовала аґентура DPA. ,,Каждый, кто ту штудує, бы мав аспонь пять років робити пракс во валальскых областях. Тоты, котры не хотять, бы мали заплатити наклады на тото навчаня,” повів підпредседа парламентной фракції CDU/CSU Сеп Мулер про денник Білд. ,,Нашым цїлём мусить быти утримати сі такых высококваліфікованых одборників. Потребуєме прилакати молодых докторів, жебы робили в Нїмецьку – намісто того, жебы сьме ся призерали, як одходять,“ увів міністер здравотництва  Тіно Сорґе. Додав, же кажде місце на лїкарьскій факултї зо собов приносить значны наклады і про штат.

(TASR, Шутіова)