Евроспкый суд про людьскы права (ESĽP) вчера вырішыв, же Ватікан неможе быти судженый на містьтных судох за сітуації сексуалного злоужываня католицькых священиків. Інформувала о тім аґентура  AP. Суд з резіденційов в Штрасбурґу тым потвердив, же Ватікан мать в даных  сітуаціях імуніту і неможе быти з даныма провінінями священиків вязаный. ESĽP вырішыв в невыгоду ґрупы 24 людей, котры твердили, же были жертвами несучого поводжіня ся священиків в Белґії. Тоты особы одповідність приписували якраз Ватікану. Обідві стороны мають теперь три місяці, абы ся обернули на Велику комору ESĽP, котра прийме кінцевый вердікт. Велика комора є зложена зо 17 судців і вердікт є конечный. (TASR, Pkf)