Мадярьска владна партія Fidesz якбач выступить з Европской людовой партії. По понедільковій будапештяньскій стрічі австрійского віцеканцеларя і председы правіцьово-популістічной Свободной партії Австрії Гайнца-Хрістіана Страхе з мадярьскым премєром Віктором Орбаном то выголосила подля аґентуры MTI председкыня Хрістіаньско-демократічной унії Німецька Аннеґрет Крампова-Карренбауерова. Подля німецькой політічкы то Орбан дав явно знати своїм справованьом, наприклад і стрічов з председом італійской Ліґы Маттеом Салвінім, причім підкреслила, же людовці хотіли наперек позаставленому членьству зробити міст ку Орбанови, но він ся одтігать. Аґентура APA припомянула, же Орбан оголосив, же уж не підтримує ани кандідатуру председы фракції Европской людовой партії і кандідата людовців на посаду председы Европской комісії Манфреда Вебера.

(Медвідь, TASR)