Mадярьско заблоковало выголошіня ку ордеру на Путіна
00
Мадярьско заборонило в понедільок в Бруселі членьскым країнам Европской унії выдати сполочне выголошіня ку меджінародному ордеру на затриманя російского презідента Владиміра Путіна. Інформувала о тім вебсторінка комерчной телевізії RTL. Шеф европской діпломації Жосеп Борелл зато выдав выголошіня лем у своїм мені, в котрім „взяв до відома“ односне рішіня Меджінародного карного трібуналу. В понедільок выдали выголошіня і міністры справедливости членьскых країн Унії, в котрім підпорили рішіня трібуналу. Но мадярьска міністерка справедливости Юдіт Варґова тот документ не підписала.
(Медвідь, TASR)
-
Назад / Nazad Европскый оборонный промысел асі не є способный сповнити очікуваны обєднавкы про Україну
-
Далше / Dalše Столетенберґ привітав проґрес Фінландії на пути до НАТО