Воєньскы часті NATO в Косові вчера варовали тамтешні владны орґаны перед пробами о зновуотворіня моста в місті Косовска Мітровіца  на севері країны, котры  в непокійній області ділить Серьбів і етнічных Албанців. Інформує о тім пресаґентура AFP. Мірова місія NATO в Косові (KFOR) выконавать контролі в околиці моста через ріку Ібар, котрый є уж рокы заперьтый про автомобіловый транспорт. Міст котрый ділить  тоты дві комуніты, быв місцьом частых стріч по войні меджі серьбскыма силами і етнічнов албаньсков векшынов в Косові в року 1999. Война собі выжадала 13.000 мерьтвых і скінчіла ся  по бомбардованю NATO під веджіньом США. KFOR увів, же в сітуації, як будуть косовскы орґаны продовжувати в потенціоналных планах на отворіня моста, ‟небуде вагати‟ і засягне. (TASR, Pkf)