Україна доїднала ся із западныма партнерами, же будьяке тырваюче порушованя будучого договору о перемірю із боку Росії бы выкликало коордіновану воєньску реакцію Европы і Споєных штатів, написав у віторок денник Financial Times. Аґентура Reuters звернула увагу, же інформацію не доказала незалежно провірити. Представителі США, Україны і Европы їднали о плані дакілько раз почас децембра а януара, і обсяговав веце уровней реакцій на порушіня доїднаного переміря, пише ся в деннику. Подля пропозіції бы реакція на порушіня переміря Російов пришла до 24 годин, причім наперед бы дістала діпломатічне остеріганя. Денник пише, же в припаді розсяглішой атакы бы по 72-ох годинах од порушіня спустила ся коордінована реакція Западу із залучіньом америцькой армії.

(Медвідь, TASR)