Русскый презідент Володимир Путїн у четверь ознамив, же мілітанты з екстремістічной орґанізації Ісламскый штат затримали в области Сірії овладаной силами підпорованыма Вашінґтоном коло 700 заложників. Інформовала о тім пресова аґентура Reuters. Путїн дале повів, же меджі заложниками є і дакілько обчанів Споєных штатів і европскых країн. Доповнив, же Ісламскый штат розшырять свою контролю на теріторії лївого берега рїкы Еуфрат, яку овладають Споєны штаты і їм близкы силы. Путїн не уточнив, што мілітанты жадають. Увів, же дали ултімата, конкретны пожадавкы і попередили, же кедь не будуть сповнены, забють каждый день десять людей. Армада США у Вашінґтонї спохыбнила Путїновы слова.
(TASR, Цітрякова)