Презідентка Зузана Чапутова бы могла вже тот тыждень вырішыти, ці підпише продовжіня мораторія на анкеты общого мніня перед вольбами із 14 на 50 днів. Закон, як інформовав їй говорця Мартін Стріжінєц, пришов до канцеларії презідента в понедільок, і зачала 15-дньова легота. Презідентка має час до 19-го новембра, но є можливость, же рішіня прийде скоріше. Єдночасно говорця вказав на їй дотепершіні высловы, котры назначують, же мораторіюм не підпише. „Затля бы єм одказав на їй слова з минувшого тыждня з Мартіна, де повіла, же тота легота є барз довга в порівнаню з европскыма країнами, но так само має і припоминкы односно конштітучности того закона, респектівно похыбности о його конштітучности. Меджі рядками дає ся прочітати, яке буде їй рішіня“ повів говорця. Закон о продовжіню мораторія крітіковали і председа влады Петер Пеллеґріні ці міністер загранічных діл Мірослав Лайчак. Подля Лайчака бы продовжіня мораторія было злым політічным рішіньом, котре знижыть престіж Словакії.

(Медвідь, TASR)