x

Влада обговорить піднятя банкового одводу

00

Банковый одвод на Словакії має быти од слідуючого рока двараз векшый. Рахує з тым пропозіція закона о банках, котру має днесь на їднаня влады передложыти Міністерство фінанцій. Ку приготовліню пропозіції вызвала резорт Коалічна рада, котра хоче здобыти веце джерел до державной касы. Покля піднятя одводу перейде, держава бы мала дістати з банк о 144 міліонів веце. Словакія мала влони дефіціт публічных фінанцій на уровни 1,1 процента грубого домашнього продукту, што представльовало меджірічне згіршіня о 0,1 процентуалного пункту. Довг быв на уровни 49,4 процента ГДП, меджірічно ся зліпшыв о 1,9 процентуалного пункту. Такы резултаты выходять із Комплетной річной справы СР за рік 2018, котру має в проґрамі владный кабінет.

(Медвідь, TASR)