Гуменьска самосправа апелує на жытелів, жебы передкладали проєкты до партіціпатівного розрахунку. В році 2020 го запроваджать першый раз, выділила на нього 12 тісяч евр, інформовала аґентура TASR. Партіціпантом стає ся подля гуменьской самосправы особа, котра в далшій фазі партіціпатівного розрахунку выпрацує проєкт, котрый буде у общім інтересі міста Гуменне і його жытелів. До партіціпатівного розрахунку годны запоїти ся правницькы і фізічны особы. Самосправа єдночасно понукать і публічну стрічу вшыткых заінтересованых о партіціпатівный розрахунок, на котрій їх буде інформовати о процесі. Стріча одбуде ся у четверь 5-го децембра в засідалні Містьского уряду. О запроваджіню партіціпатівного розрахунку вырішыли містьскы посланці на своїм остатнім засіданю, котре проходило 23-го октобра.

(Медвідь, TASR)