Безпечностна рада Орґанізації зъєдиненых народів в понедільок знова выразила підпору дводержавному рішіню ізраільско-палестіньского конфлікту. Іде о перше пересове выголошіня рады ку тій темі одвтогды, што америцькый презідент Доналд Трамп перед трьома тыжднями представив план на вырішіня десяткы років старого конфлікту. Палестінчане план Трампа не прияли, припомянула аґентура Associated Press.  Пресове выголошіня Орґанізації зъєдиненых народів схвалило вшытых 15 членів рады, причім ся в нім план Трампа, ани палестіньскы пожадавкы не споминають. Пише ся в нім, же рада підпорює дводержавне рішіня в згоді з попередніма односныма резолуціями ОЗН і меджінародным правом.

(Медвідь, TASR)