Попрад купив до Заряджіня соціалных служеб про обчанів без домова на Левочскій уліцї дезінфекчный тунел. Інформує о тім місто на своїй вебовій сторінцї. Радніця приближила, же люде без домова належать до різіковой ґрупы не лем в повязаню зо захворінём COVID- 19, але часто жыють на уліцї, де суть выставлены підвышеному різіку різных захворінь. Дезінфекчный тунел забезпечує комплетну дезінфекцію особы там, де є то потребне, наприклад в домовох про сеніорів, в шпыталях, в карантенных центрах, в накупных центрах ці на летїсках. Подля міста заряджіня вытворить дезінфекчну молгу, котра за пару секунд знищіть бактерії і вірусы на облечіню і скорі.

(TASR, Шутіова)