По цілім світі ся обявило уж скоро 4000 варіантів нового коронавірусу, котрый выкликує захворіня COVID-19. Про телевізію Sky News то днесь увів  Надгім Загаві, представитель британьской влады повіреный дістрібуційов вакцін. Загаві, котрый є на місці штатного секретаря на британьскім міністерстві здравотницьтва, шак єдночасно поважує за барз малоправдеподобне, же бы протів днешнім варіянтам коронавірусу небыли ефектівны існуючі вакціны, главні што ся дотулять пониженя правдеподобного важного вывоя захворіня або госпіталізації. Вшыткы выробцове вакцін подля нього роблять на тім, абы свої вакціны фурт выліпшували, абы были ефектівны протів будьякому варіянту захворіня. (TASR, Pkf)