Молоды люди в Ґреції, котры ся дають защіпити проти коронавірусу, здобудуть окрім охраны проти хвороты COVID-19 і банкоматову карту зо 150 еврами. Ґреческа влада тым хоче притягнути ку вакцінації штонайвеце жытелів, інформовала аґентура DPA. Премєр Кіріакос Міцотакіс оголосив, же авізована одміна буде дотуляти ся приблизно 940 тісяч людей у віці 18 аж 25 років. Влада на тоту справу є охотна минути аж 141 міліонів евр. Цільом є, жебы было до кінця юна защіпленых 60 процент із 11 міліонів жытелів Ґреції.

(Медвідь, TASR)