Шпыталь новой ґенерації бы міг в будучности вырости в ареалї коло шпыталя в містї Гуменне. Амбіцію уходити ся на ёго выставбу о средства з плану обновы і одолности презентовали заступцёве компанії Свет здравя веджіню міста. За пріватного поскытователя здравотной старостливости о тім TASR інформовала Міріам Летованець. ,,Клінічный проґрам выставбы нового шпыталя по взорї проєкту нового шпыталя в Михаловцях передпокладує, же буде вміщати штири надземны штокы з цїлковов капацітов 279 постелей,“ приближыла. Концепт рахує з новым урґентным приймом, оддїлїнём анестезіолоґії і мултіодборовой інтензівной старостливости а з пятёма новыма операчныма салами. ,,Нова будова вытворить заземя і про породніцю новой ґенерації, а то враховано ґінеколоґічного, педіатрічного і неонатолоґічного проґраму,“ доповнила.

(TASR, Шутіова)