Председа мадярьской влады Віктор Орбан вчера телефонував з російскым презідентом Владіміром Путіном. Запропонував му моменталне выголошіня пріміря на Україні і тыж склад будапештяньского засіданя з европскыма лідрами – францюзькым презідентом Еммануелом Мацроном і німецькым канцеларом Олафом Сцголзом –  і україньскым презідентом Володимиром Зеленьскым. Інформує о тім справодайця TASR на основі пресовой конференції премєра, котру на жыво высылала верейноправна телевізія  M1. Орбан повів, же по вівторняйшім телефонічній дебаті з америцькым експрезідентом Доналдом Трампом говорив в середу “цалком довго“ і з Владіміром Путіном. (TASR, Pkf)