Еврокомісар про внутрішній торг Тгіерри Бретон вчера вызвав Мадярьско, абы позаставило діскріміначне продаваня нафты і бензіну за реґулованы  ціны лем про авта з мадярьскым евіденчным чіслом. В опачній сітуації грозить Будапещі судный конфлікт. Выходить то з письма, до котрого назріла аґентура Reuters. Мадярьска влада  кінцьом мая опубліковала приказ, подля котрого немають право на дотоване паливо у вышці 1,21 евр за літер авта зо заграничныма евіденчныма чіслами. Подля Бретона то значіть, же авта з евіденчныма чіслами з іншых штатів Европской унії мусять  платити за паливо о 50 аж 60 процент веце в порівняню з автами з мадярьскыма значками, што представує непряму діскрімінацію і порушіня правил Европской унії. (TASR, Pkf)