В недїлю в нескорых вечерных годинах насадять у французьскых уліцях приближно 30.000 поліцайтів, жебы ся так передышло припадным конфліктам в повязаню з парламентныма вольбами. Ознамив то у четверь французьскый міністер внутрїшнїх дїл Ґералд Дарманін. TASR о тім інформує на основі справы аґентуры Reuters. Недїльне друге коло волеб вырїшыть о тім, ці крайнї правіцове Народне здружіня Маріне Ле Пеновой здобуде векшыну кресел в парламентї а зоставить будучу владу Франції. Кампань але позначіло політічне напятя і ростуче насиля в країнї.

(TASR, Шутіова)