Україна здобыла про свій розрахунок на 2024-ый рік загранічну поміч в цілковій сумі веце як 40 міліард евр, інформовало в понедільок тамтешнє Міністерство фінанцій. Інформацію принесла аґентура DPA. Приблизно 30 процент з той помочі творять дотації і решту пожычкы даны за такзваных звыгодненых условій. За найвекшых спонзорів Україны в тім ділі резорт фінанцій означів Европску унію, Споєны штаты, Меджінародный валутовый фонд, Японію, Світову банку, Канаду і Великобрітанію. Міністерство далше інформовало, же Україна в тім році першый раз здобыла розрахункову підпору од Корейской републікы і Банкы розвитку Рады Европы.

(Медвідь, TASR)