Кремель погрозив Польщі протиопатрінями за перевзатя будинків на варшавскій улиці Собіескего, котры передтым хоснувала російска діпломація. Говорця Кремля Дмітрій Песков у вівторок выголосив, же Москва може на крокы Варшавы одповідати реціпрочныма опатрінями, інформує о тім аґентура PAP і портал  Fakt. Польскы уряды 20-го януара одовздали будовы совітьской  і пізніше російской амбасады до властницьтва Варшавы. Пріматор міста Рафал Трзасковскы ознамив, же дві збуряють і вычеряють новыма ставбами, покы што главный блок зреконштруують. Спорный комплекс з періоду Совітьского союзу быв подля російского амбасадора в Польску Серґея Андреєва выужываный на діпломатічны цілі і Москва го поважує за свій маєток. Варшава шак твердить, же іде о властницьтво польского штату. (TASR, Pkf)