Ізраіль твердить, же при авіа атаці ізраільскых літаків на будову рядячой командатуры в центрі Тегерану пришов о жывот ґенерал Алі Шадмані, котрый належав ку найблизшым людям із оточіня іраньского вождя Алі Хаменея. Ізраільска армія доповнила, же „схосновала принагоду“ і Шадманія забила і вдяка точным інформаціям, пише брітаньскый денник The Guardian. Покля тота інформація потвердить ся, піде о далшый припад в серії убийств меджі высокыма воєньскыма представителями Ірану. Шадмані быв у функції команданта Центра головной командатуры лем штири дні. На тій посаді вычеряв ґенералмайора Ґолама Алі Рашіда, котрый быв забитый минувшый тыждень при ізраільскій атаці на Тегеран. Ескалація меджі Ізраільом і Іраном продовжує пятый день. Іран у віторок рано на Ізраіль выпустив коло 20 балістічных ракет. Експолозії голосили і з Тел Авіву а Єрусалима.

(Медвідь, TASR)