Брітанія і Франція ся у четверь договорили на пілотнім планї навернутя міґрантів приходячіх до Споєного кралёвства на човнах через Ламаншскый перелив назад до Франції. Подля договору ,,єден ту, другый там“, котрый надобуде платность протягом найблизшых тыжднів, буде Брітанія посылати дакотрых міґрантів назад до Франції. Вымінов за то прийме єднаку кількость міґрантів, котры мають леґітімны доводы жадати о азіл в Брітанії. Ознамили то брітаньскый премєр Кеір Стармер і французскый презідент Емануел Макрон. Вшыткы, котры прийдуть до Брітанії, будуть подроблены ,,строгым безпечностных контролям“, додав Стармер з тым, же право вступити до державы будуть мати лем тоты особы, котры о то непробовали в минулости нелеґалным способом.

(TASR, Шутіова)