Америцькый презідент Доналд Трамп у четверь в розговорі выголосив, же Споєны штаты будуть додавати збранї Українї посередництвом Североатлантічной аліанції. Увів тыж, же мать в планї в понедїлёк зробити ,,засадне выголошіня“ вочі Росії. ,,Думам сі, же в понедїлёк зроблю вочі Росії засадне выголошіня,“ повів Трамп. Америцькый презідент в проходячіх днях повторюючо выразив неспокойность з їднанём російского презідента Володимира Путїна а з недостаточным покроком ку міру на Українї. Трамп в розговорі назначів ,,новый договор“ меджі Споєныма штатами, споєнцами в Североатлантічній аліанції і Українов оглядом додавок збраней зо США. ,,Посыламе збранї NATO а NATO за тоты збранї заплатить, 100- процентно. Чіже то што робиме є, же збранї, котры ідуть вон, суть про NATO а NATO потом тоты збранї дать Українї а NATO платить за тоты збранї. Пошлеме збранї NATO а NATO за тоты збранї уградить повны наклады,“ увів Трамп. Америцькый презідент Доналд Трамп удайно по першыраз од януарового навернутя до Білого дому пошле збранї Українї на основі презідентьской правомочі.

(TASR, Шутіова)