Словакія на вчерайшім засіданю Рады Европской унії про загранічны діла в Бруселi підкреслилa, же Росія мусить скінчіти з атаками на цівілну інфраштруктуру на Україні і залучіти ся до одповідного діялоґу. Вєдно але не підпорило політічный договор о 18-ім пакунку протиросійскых санкцій. Причінов суть їднаня о ґаранціях з боку Европской комісії (ЕК) у звязку з пропозиційов REPowerEU, котра рахує зо скінчіньом довозу російского земного пліну до членьскых штатів од 1-го януара 2028-го року. Пресаґентуру TASR о тім інформовав комунікачный одбор Міністерства загранічных діл і европскых справ СР. (TASR, Pkf)