Штирідцять участників пілотного тренованя Народных оборонных сил (NOS) дали славностне воєньске обіцяня в неділю на верьху Брадло при Могилі ґенерала М. Р. Штефаніка. Не хыбали меджі нима презідент СР Петро Пеллеґріні і підпредседа влады і міністер обороны СР Роберт Каліняк. Пеллеґріні поуказав нато, же каждый день приносив сітуації, кедь было потрібно іти на граніцю своїх фізічных і психічных способностей. Даням обіцяня але тренованя не кінчіть. Як дале презідент підчеркнув, же іщі на них чекать то найтяжше, протоже з понеділька на вівторок мають заключне тренованя, котре буде в тім, же 24 годин пережыють під голым небом дагде в лісі і мусять выужыти вшыткы способности і інформації, котры під час цілого тренованя ся научіли. (TASR, Pkf)