Міністер здравотницьтва Каміл Шашко подасть днесь (11. 8.) імпульз на Ґенералну прокуратуру СР про тендер на захранкы. Тыж дасть імпульз на Окресный суд Жіліна, жебы провірити можны маєтковы перепоїня. Декларовав, же через нього ниякый кшефт ани бізнис не перейде. Шашко, подля опозичного посланця Томаша Салая (СаС), не справив ся з тендром ани манажерскы, ани комунікачнo. Обідвоє то увели в недільній діскусній релації „В політіці“ на телевізії ТА3. Шашко твердить, же міністер здравотницьтва не може тендер зо закона зрушыти. Може то зробити лем діректор Операчного центра захранной здравотной службы СР, котрый ціле выберове конаня реалізує. „Дав я приказ, жебы мі одверто дали вшыткы законны можности і были вывернуты вшыткы можны похыбліня, і кедь бы то мало значіти, же тендер мать быти зрушеный, так буде зрушеный,“ повів. Ак ся буде мусити конкурз зреалзувати наново, так ся то зреалізує. Тендер ся подля міністра кінчіть моментом доручіня выслідків до його рук. (TASR, Pkf)