Російскый презідент Володимир Путїн бы мав вывжыти можность а быти согласный з міром на Українї протягом пятніцёвых роковань зо своїм америцькым колеґом Доналдом Трампом в містї Енкорідж на Аляшцї. В пятніцю то выголосив нїмецькый канцеларь Фрідріх Мерз, пише TASR подля справы аґентуры AFP. ,,Цїлём мусить быти саміт, на котрім буде брати участь і Зеленьскый,” увів Мерз в офіціалнім выголошіню. Додав, же Трамп ,,може теперь зробити вызначный крок смером ку міру,” на котрім ся подля нёго ,,мусять страны договорити”. Трамп у четверь выголосив, же подля нёго ся Путїн на стрїчі буде хотїти договорити на укончіню уж веце як тройрочной войны на Українї. Головным цїлём рокованя є подля америцького презідента договорити другу стрїчу, котра бы уж была тройстранна і з участёв презідента Україны. Москва але у четверь варовала, же передповідати резултат саміту на Аляшцї бы было великов хыбов.

(TASR, Шутіова)