Сестры і породны асістенткы в конштітучній здравотній старостливости бы мали в будучім року доставати місячнї прыспівок у вышцї 250 евр. Выходить то з выражінь шефа резорту здравотництва Каміла Шашка (Hlas-SD) і заступцїв Одборового здружіня сестер і породных асістенток по їх сполочнім четверёвім рокованю. Веновали ся на нїм стабілізації сестер і породных асістенток. ,,Сестры і породны асістенткы бы мали в роцї 2026 по ґаранції міністра здравотництва достати місячнї о 250 евр веце ку плату. О далшых условіях будеме інтензівно роковати, затоже мы сьме представили нашы очекованя в простых бодох,“ выголосила председнічка здружіня Моніка Кавецка.

(TASR, Шутіова)