Кіпр загнав по морі через ізраільскый пристав Ашдод 1200 тон гуманітарной помочі про Пасмо Ґазы, інформовало у віторок кіперске Міністерство загранічных діл. Пише о тім аґентура Reuters. Сконтрольованый товар буде по приході до Ашдоду перевезеный без далшых безпечностных контроль і його кінцьовым додавательом і дістрібутором буде меджінародна гуманітарна орґанізація World Central Kitchen. Шыфа везе 52 контайнерів з потравинами. Найвекшу часть помочі подля Нікозії загнали Кіпр і Малта, поміч додали і орґанізації із Споєных штатів, Італії ці Кувайту. Міністерство акцентовало, же потребный быв і вклад Споєных арабскых еміратів, котры фінанції дали до фонду Amalthe, якый быв здядженый минувшый рік.

 (Медвідь, TASR)