Російскый презідент Владимір Путін стрітив ся почас 24 годин аж двараз з білоруськым презідентом Александром Лукашенком. Подля денника The Guardian, котрый одкликує ся на білоруську аґентуру Белта, мали рішыти „многы справы“. Путін і Лукашенко стрітили ся у віторок рано в Петербурзі на робочім фрыштику, а так само в понедільок вечур на саміті країн Союзу незалежных держав. Шеф Кремля подля Белты позвав наслідно на віторковый фрыштик Лукашенка, жебы бісідовали о білатералных односинах і іншых важных справах.

(Медвідь, TASR)