Універзіта ветерінарьского лїкарства і фармації в Кошіцях дякуючі підпорі выше двох міліонів евр модернізує штири свої будовы. TASR о тім інформовав одбор комунікації і маркетінґу Міністерства школства, баданя, розвитку і молодежі СР з тым, же до обновы высокошкольскых будов інвестує 170 міліонів евр з Плану обновы і одолности СР. ,,Павілон ч. 13 на Коменьского уліцї уж служыть штудентім біолоґії і фізіолоґії. Будова перешла комплекснов обновов од затеплїня фасады, выміны стрїхы, выглядів, дверей і освітлїня, аж по выбудованя безберіерового вступу,” приближыв резорт. Інтересным подля нёго є, же зреконштруованый павілон колись служыв як каплічка в історічнім ареалї з року 1903. ,,Наперек переставбам ся в обєктї доднесь всокотило торзо ёго первісного сакралного характеру, што додавать модернізованым простором выняткову атмосферу,” доповнив. Універзіта модернізує і далшы три свої будовы, причім Павілон ч. 1 є подля міністерства народнов културнов памнятков. Приближыло, же інвестіції принесуть затеплїня фасад і стрїх, выміну выглядів ці дверей а новы вытягы і рампы про безбарєровый приступ. Резултатом буде подля резорту нелем комфортне середовище про навчаня, але і ушпора енерґії.

(TASR, Шутіова)