Ізраїльскый презідент Їссак Герцоґ назначів, же зважує уділіня милости премєрови Бенйамінові Нетанягуові в корупчній кавзі. Подля Герцоґа припад „тяжко долігать на ізраїльску сполочность“, пише справодайскый сайт The Times of Israel (TOI). Ізраїльскый премєр є судженый в трьох корупчных припадах і є обвиненый з підфуку, нарушіня довіры публікы і підплачуваня. Процес, котрый од його зачатя в маю 2020 дакілько разы одложыли, премiєр одмітать даяке похыбліня. Америцькый презідент Доналд Трамп в минулости означів кавзу веджену проти премєрови за „hon na čarodejnice“. Нетанягуа Трамп в понедільок прийме в Білім домі. Чекать ся, же му предложыть 21-пунктовый план на скінчіня войны в Пасмі Ґазы, котра тырвать уж скоро два рокы. В новембрі 2024 публіковав Меджінародный карный суд (ICC) приказ на арештованя на Нетанягуа про вoєньскы злочіны і злочіны проти людьскости в часі войны в Пасмі Ґазы. (TASR, Пкф)