Председа влады СР Роберт Фіцо привітал у вівторок на Уряді влады (УВ) СР ґенералного секретаря НАТО Марка Руттего. Фіцо го пожадав о посилніня противоздушной обороны СР. Пресаґентуру  TASR о тім інформовав пресовый і інформачный одбор УВ. „На робочій вечері говорили о сполупраці меджі Словацьков републиков і НАТО. У тім звязку Роберт Фіцо повів, же Словакія мать суверенне право вырішыти, яке темпо і яку штруктуру воєньскых выдатків зволить,” інформував пресовый одбор. Темов стрічі была подля нього і актуална сітуація на Україні. Премєр знову повів, же Словакія не буде Україні додавати смертоностну зброю з выїмков комерчных контрактів. Буде але продовжовати в даваню  здравотницькой ці іншой гуманітарной помочі . (TASR, Пкф)