Презідент СР Петер Пелеґріні ся з нагоды четверёвого Світового дня дїтей стрїтив в Презідентьскім палацу з участниками меджінародного проєкту орґанізації UNICEF з назвов Kids Takeover. Тота давать дїтём простор упозорнити на свої права а говорити о темах, котры формують їх жывот. З палаца о тім інформовали на соціалній сїтї. ,,На цїлїм світї сі 20. новембра припоминаме 36. юбілей приятя Договору о правах дїтины – ключового документу, котрый хранить дїти в 196 державах світа. В тім дусї презідент СР Петер Пелеґріні привітав в Презідентьскім палацу школярїв зо Споєной школы Панкухова і Основной школы Нобелово намістя в Братїславі,” приближыли з Презідентьского палаца. Молоды навщівници абсолвовали переглядку палаца а запоїли ся до діскузії з головов штату о впливі соціалных сїтей на дїти – о можностях, котры приносять, але і о різіках діґіталного світа.

(TASR, Шутіова)