Протестуючі польногосподарі в Ґреції хочуть продовжувати в блокадах драг другый тыждень за собов. Про зміну того поступу їм не стачіть недільны высловы премєра, же влада є одкрыта їднаням, пише о тім аґентура АFР. Польногоспоарі суть побурены довгым мешканьом при выплачуваню дотацій, котре запрічінив корупчный шкандал і спроневіріня  в ОПЕКЕПЕ, ґрецькій аґентурі про поміч польногосподарям. В суботу было на Креті у звязку з тыма підфуками арештованых 12 людей, чім ся їх чісло звышыло на 37. Далшы десяткы суть караны на слободі. Тота нелеґална сіть здобыла пять і 10 міліонів євр, цілкова ціна підфуком  выплаченых дотацій досягла коло 20 міліонів євр од року 2018. Сітуацію польногосподарів згоршує тиск низькых цін польногосподарьской продукції, ростучій келчік на енерґії і згоршуючі ся кліматічны условія.   (TASR, Пкф)