В Братіславі, Кошыцях, Баньскій Быстріцi і в далшых містах на Словакії вчера вечурь одбыли ся протесты. Орґанізаторы ними  хотіли высловити несуглас з послідніма кроками владной коаліції, як наприклад приятя новелы Карного закона, зміна в Карнім порядку ці трансформація Уряду на охрану ознамователiв (УОО) на новый уряд. Мітінґы орґанізував опозічный рух PS вєдно з далшыма опозічныма партіями KDH, SaS і мімопарламентныма Демократами. Участны были і заступцове партії За люди.  (TASR, Пкф)