Міністерство внутрїшнїх дїл СР купило 60 теренных авт в цїлковій годнотї 3,79 міліона евр. Поліцайны псоводы сі у четверь перебрали першых 32 авт становленых на транспорт служобных псів. Одовздав їх міністер внутрїшнїх дїл Матуш Шутай Ешток (Hlas-SD) і директор одбору кінолоґії а гіполоґії Презідія Поліцайного збору Ладїслав Філіп. Міністер оцїнив, же кінолоґове будуть мати модерну автомобілову техніку приспособлену так, жебы мали псы в автах условія годны 21. стороча. Новы авта будуть перероздїлены в рамках цїлой теріторії Словакії. Полегшати мають роботу в недоступнім теренї, коло патрачіх акцій і охранї штатных граніць.

(TASR, Шутіова)