Обчаньске здружіня ІПчко ініціовало актівіты на превенцію радікалізації молодых. Вміщають школїня про помагаючі професії, выяздовый інтервенчный тім ці класны годины про школы. Спустило і кампань Невыслуханый. Проєкт Невыслуханый давать можность молодым людём поменовати фрустрацію і гнїв ці пожадати о поміч і раду через онлайн одказовач або голосову справу на WhatsAppі. Псіхолоґове з ІПчка будуть на одказы одповідати в жывім высыланю на онлайн платформі Twitch, а то каждый четверь о 19.00 г. Окрем того спустило ІПчко в сполупрацї з Протитерорістічнов централов Народной кріміналной аґентуры Презідія Поліцайного збору на цїлїй Словакії серію тройднёвых выцвіків крізовой інтервенції про помагаючі професії.

(TASR, Шутіова)